இலங்கையில் இவ்வருட முதல் ஆறு மாதத்தில் வாகன விபத்துகளால் 1301 பேர் பலி

இலங்கையில் இவ்வருட முதல் ஆறு மாத காலப்பகுதியில் நாடளாவிய ரீதியில் 20 ஆயிரம் 713 வாகன விபத்துகள் இடம்பெற்றுள்ளதுடன் அவ் விபத்துகளால் 1301 பேர் பலியாகியுள்ளதாகவும் பலர் காயமடைந்துள்ளதாகவும்  போக்குவரத்து பொலிஸ் பிரிவு தகவல்கள் தெரிவிக்கின்றன.

நாளொன்றிற்கு நாடளாவிய ரீதியில் 103 வாகன விபத்துகள் இடம்பெறுவதாகவும் அவ் விபத்துகளில்  07 பாரதூரமான விபத்துகளும், 17 கடும் காயங்களுக்கு உள்ளாகும் விபத்துகளும், 34 சிறு காயங்கள் ஏற்படும் விபத்துகளும், 45 வாகனங்களுக்கு மாத்திரம் சேதம் ஏற்படும் விபத்துகளும் அடங்குவதாக போக்குவரத்து பொலிஸ் பிரிவு தரவுகள் மேலும் தெரிவிக்கின்றன.